Luis Vilariño e Moncho López repetían a súa victoria da pasada edición no 26º Rallye Cidade de Narón, impoñendo o seu Mitsubishi Lancer Evo X R4 nunha carreira claramente condicionada pola climatoloxía, onde a chuvia nos acompañou ó longo da xornada.
Tanto ou máis mérito que os vencedores teñen Iván Ares e Álvaro Bañobre, que atacaron ata o último metro co Porsche 911 GT3 polas esvaradías estradas que compoñían o percorrido da proba e acabaron cedendo o primeiro posto por apenas 2 segundos, dando todo un recital de conducción.
Entre os habituais dos postos de cabeza eran varios os equipos que asumían máis riscos que outros para plantar cara con mecánicas un tanto obsoletas, como Ramiro González e Manuel Pico co Renault Clio Williams ou Félix Pazos e Jesús Calvo co Citroën Saxo Kit Car ata que ambos se vían obrigados a abandonar e deixaban en solitario na loita polos postos de honra ó R5 GT Turbo de Javier Mtnez Carracedo e Marcos Fernández que acadaban o 5º lugar da xeral scratch ademáis de ser 2º na copa TopTen por detrás do Mitsubishi Lancer Evo IX de Pablo Silva e David Matalobos.
En canto ó referente no Volante FGA, a victoria recaeu como non podía ser de outra maneira vendo os antecedentes do desaparecido Volante RACC, nun equipo local, sendo neste caso o formado por Roberto Tenreiro e Félix Golpe que tamén lograban situar o Peugeot 206 XS como 9º clasificado.
Outro dos equipos máis destacados da carreira foi o claro vencedor da Copa Kumho, sendo probablemente o Peugeot 106 XSI de Borja Vila e Yago Doce o vehículo máis humilde do citado trofeo e que ademáis de impoñerse na súa clase coa mesma rotundidade quedaban ás portas de entrar nos 10 primeiros da
Clasificación Xeral Final.
