Este ano teremos como novidade a retransmisión do Rallye Cidade de Narón por parte da xente de RallyCast, a principal canle de rallyes de fala hispana na plataforma Twitch.
O equipo de Rallycast estará en Narón realizando directos na súa canle con toda a información en directo, metas dos tramos, entrevistas, concursos…
A idea do organizador e do equipo Rallycast é trasladar o que é unha radio dun rallye en directo, con retransmisións completas e longas.
Contar con imaxes de calidade en directo nos tramos é imposible a nivel de orzamento para o organizador. Aínda así, estamos seguros que lograremos trasladar toda a emoción do rallye a tódolos afeccionados nas súas casas.
Podedes seguir a Rallycast nas súas redes sociais para estar ao día de tódalas novidades que vaiamos incluíndo.
